Meri Ghazal TaraHee Mushairah Urduduniya (December)

sirf kirdaar jaawidaanee hai
aur har cheez aani-jaani hai

roz kahta hooN us se dil ki baat
jis ne ab tak miree na maani hai

ishq meN kuch pata nahiN chalta
kya Haqeeqat hai kya kahaanee hai

kaise GairoN ko Gam ka dooN ilzaam
yeh tou apnoN ki mehrbaanee hai

qissa.e Haal.e dil! arey choRo!
yeh zara dukh bharee kahaani hai

aaj tak ek dil nah jeet saka
jis ki duniya pe Hukmaraani hai

bus yehee us se hai mira rishta
main hooN tishnalabee woh paani hai

phir bhee duniya ka moh hai “Jawaid”
jaanta hooN yeh cheez faani hai

Jawaid Badauni
Muscat-Oman

mehmaan Number of posts : 20 Location : USA Registration date : 2007-12-06

Jawaid Saheb

Bohat rawani hey aap ke kalam mein aur wo bhi choti beher mein. Daad qabool ki jiye.

Kher andesh

Qamar

zehrab wrote:: Jawaid Saheb

Bohat rawani hey aap ke kalam mein aur wo bhi choti beher mein. Daad qabool ki jiye.

Kher andesh

Qamar

MoHibbee Qamar SaaHeb

BoHat purana khilaaRee hooN is khel ka so rawanee hona hi chaahiye. Ghazal aap ko achchi lagee. Behud manoon hooN aap ki daad.o.taHseen ke liye.

Aapka MuKhliS

Jawaid Badauni

» Meri TaraHee Ghazal Mushairah Urdubandhan (Decmber)
» ghazal
» ghazal!
» Aik Ghazal
» Ghazal