Nafas Nafas MeiN teri yad ki hararat hey

Sukhan Dostown ki nazar ek adna si kawish:

Nafas Nafas MeiN teri yad ki hararat hey
Tera khayal meiN aana meri ibadat hey

Jigar pe naqsh hein sab merhaley judaai ke
Palown ke faasley katna baree qayamat hey

Teri JabeeN sey terey naqsh-e pa ke daaman tak
Rah-e hayat ki itni si bas masafat hey

Woh jis ko sonp diya zindgi ka sermaya
Suna hey woh tow kisi aur ki amanat hey

Raho gey kab talak doobey yunhi sarabon mein
Sadaf ko dhundna sahraaon mein himaqat hey

Sharab-e derd piyo hasratown ke saaghir mein
Zuban-e dil ko inhi talkhiyon ki aadat hey

Ab aaey hein tow zara dekh len theher ke Qamar
Dayar-e derd mein kis ka makaN salamat hey


Khaksar

Qamar uz Zaman