shaeri ki duniya ke saathiyon ki nazar, ek adna si kawish.
Gulshan mein thi Bahar tumhen sochtey rahey
saanseN theeN khar khar tumhen sochtey rahey
Aayee hawa ke dosh pe ik aashna mehek
ham kho ke ikhtiar tumheN sochtey rahey
chu ke dar-e habib ko lotey tow raah mein
palkeN theeN ashkbar tumhen sochtey rahey
Tanha, sakoot-e shab meIn sar-e aastan-e shauq
sooni thi reh guzar tumheN sochtey rahey
guzrey kisi gali sey tow her naqsh-e pa ke pas
ham ruk ke bar bar tumhen sochtey rahey
RaqsaN thi shehr-e yas mein ik aarzoo Qamar
LerzaaN they dil ke tar tumhen sochtey rahey
Niaz mand
Qamar