zaamin mehmaan
Number of posts : 7 Registration date : 2007-11-22
| Subject: dehshat-gard se Fri Dec 28, 2007 3:20 am | |
| kuchh arsa qabl yeh nazm huwii thii,aaj mehsoos huwa ki ise kaar'iin ki azar kar diya jaa'e;aap ki a'ra ki umiid se -----------------
shikaayat waajib bhii ho saktii hai ghaflat-shi'aar waqt ki hawaaon ki sama’aton se pare ghum-shudah kisii daftar-e-siyaasat men tavajja’on ki talabgaar; lekin yeh bhii kyaa ki maut lapeT kar jismoN se sar-e-baazaar be-imti'aazaanaa bachon,buRon ,bekasooron ko baanT di jaaye yoon zaalimaaana, aur bad-tar ki chispaan kar di jaaye is per waajbiyat majhabon ki KitaaboN ki faiz-e-rasaalat ki hukm-e-ilaahii ki;
aag jab hawa men lagti hai to bhool jaatii hai imti'aaz qarb-o-aghyaar ka, dost aur dushman yaksaan eendhan is ki lapakati dehkati zubaan ko;
aur aksar hawaa rukh badlati hai apna muta’assab ta’aaffan liye besabab,be-ikhityaar janooN ke saath beh deti hai bar-aks simt main; aur phooNk deti hai apne dhaaroN meN harkis ko thoRha sii bhii ho bawastagi jis ki aag-baaNT.te jimson se aur mazhab unka hawaaon men uRta hai wehshat ka laqb liye
zaamin | |
|