NAYA SAAL JaanaN MUBARAK HO TUMKO

naya saal janaN mubarak ho tumko



tere gird KhushyaN sada jhil~milayeN
kabhi ranj o Gham kii hawaiN nah aayeN
bahaareN tere paaoN chooma kareN aur
fizaa~oN kay mosam tujhe gun~gunaiN

rida jo bhi khaaboN kii tu nay buni hai
Khuda unn kii taAbeer shamm jalaye
jisay tu nay paaney kii kiiN ho dua~eiN
dua hai meri woh tujhey mil hi jaye

chiraaGh e mahabbat jalaati raho tum
go ye apni manzil ko paati raho tum
kabhi ban k suraj kabhi ban kay azmat
nazar maiN saboN kii samaati raho tum

ufuQ per maiN shohrat kay taaray utarooN
kaha tu nay maahtaab ban kar maiN chamkooN
magar chaand per daaGh hota hai so maiN
tujhey chaand say kaisay tashbeeh dey do0N

tujhay istaAroN kii kya hai zaroorat
samajh ab tu Khud apni Khud aagahi ko
Khud apnay hi andar wafa ban kay mehko
Khud apnay hi andar dua ban kay chamko


NAYA SAAL jaanaN MUBAARAK HO TUMKO (01-Jan-99)


SAMEER

Khair mubaarak.

miim miim mughal wrote:

Khair mubaarak.

mamnoon e karam


SAMEER

Khalid Mahmood wrote:

waah sameer zabardast! dheroN daad haazir hai!

mujhey peRh ker ye sab apni kahaani yaad aati hai
nahiN ruktee jo rokey sey javaanee yaad aatee hai!

naZm kii pasandiidgi kay liye bayHad mamnoon hoN, aapkii HoSlaa afzaaii ka bohat bohat shukriyah.


SAMEER