HomeCalendarFAQSearchRegisterMemberlistUsergroupsLog in

Share | 
 

 mujhko fakhr hai; musharraf ki tasbeeh!

View previous topic View next topic Go down 
AuthorMessage
Khalid Mahmood
muntaZim
muntaZim


Number of posts : 81
Age : 66
Location : Mississauga, Canada.
Registration date : 2007-10-26

PostSubject: mujhko fakhr hai; musharraf ki tasbeeh!   Mon Jan 14, 2008 2:41 am

mujh ko fakhr hai..........

fauj hai khush'haal, mujhko fakhr hai
baaqi sab kaNgaal, mujhko fakhr hai

ruk na paii raal, mujhko fakhr hai
aur dollar daal, mujhko fakhr hai

gas, bijli aur ab aata nahiN
mulk hai bud'haal, mujhko fakhr hai

haiN bana liiN qaum ki majbooriyaN
maiN ne apni dhaal, mujhko fakhr hai

jab se meiree fauj ne faarigh kiya
khush hua bangaal, mujh ko fakhr hai

ThooNsti hai fauj aata ho na ho
her ghaRi ter maal, mujhko fakhr hai

maar daaley kuch, to kuch ander kiye
hai election saal, mujhko fakhr hai

chaudhry deikheN gey jab ooper gaey
aap per filhaal mujhko fakhr hai

gerdanoN meiN serya e afrang ney
mast ker di chaal, mujhko fakhr hai

fakhr kerney aur dhitaii meiN hai ferq
ye na keh ker taal,"mujhko fakhr hai"

chaudhry saadiq, aey jaafar cahaudhry
jee hazaaroN saal, mujhko fakhr hai

megrabi aaqa ka dam bhertey huey
sach hua pamaal, mujhko fakhr hai

hooN maiN khachher aaj bhi fauji, magar
sirf badli khaal, mujhko fakhr hai

paas hote haiN bina mehnet k bhi
faujiyoN ke laal, mujhko fakhr hai

maiN hooN leader, senior sab mer gaey
umr un'nis saal, mujhko fakhr hai

qaum hai maftooh, kal ko kuch bhi ho
serhadoN ka haal, mujhko fakhr hai

pheRpHaRa tak bhi na paii be nazir
aisa pheNka jaal, mujhko fakhr hai

hukm dooN ga aey farishtey ab ke bhi
vote saarey daal, mujhko fakhr hai

fakhr tha maiN ne banaaya media
khud kiya be haal, mujhko fakhr hai

maiN kahooN ga meirey haathoN se teree
khich gaii ger khaal,"mujhko fakhr hai"

bolta hooN sach maiN khaalid aaj bhi
kha k roti daal, mujhko fakhr hai
Back to top Go down
View user profile
miim miim mughal
muntaZim-e-a'A'laa
muntaZim-e-a'A'laa
avatar

Number of posts : 140
Age : 38
Location : North Nazimabad, Karachi
Registration date : 2007-10-24

PostSubject: Re: mujhko fakhr hai; musharraf ki tasbeeh!   Tue Jan 15, 2008 5:14 pm

kiaa baat hay..
Khaalid SaAHib .. bohat Khoob.
DhairoN daad aap kii Khidmat maiN.
jeniii
gar qabool uftad zahay E'iz-o-sharaf...

niyaaz mand.
miim miim mughal

_________________
Back to top Go down
View user profile http://sukhan-daustaan.forumotion.com/index.htm
Khalid Mahmood
muntaZim
muntaZim


Number of posts : 81
Age : 66
Location : Mississauga, Canada.
Registration date : 2007-10-26

PostSubject: Re: mujhko fakhr hai; musharraf ki tasbeeh!   Fri Jan 18, 2008 3:54 am

miim miim mughal wrote:
kiaa baat hay..
Khaalid SaAHib .. bohat Khoob.
DhairoN daad aap kii Khidmat maiN.
jeniii
gar qabool uftad zahay E'iz-o-sharaf...

niyaaz mand.
miim miim mughal

aadaab arz hai huzoor! Smile aap kya aatey ki line maiN lagey rahey jo itne din ghaaeb rahey? Very Happy

mujhey mulki soorat e haal aur aap ehbaab ki mushkilaat per gehri tasveesh hai. meiree naaqis raaey meiN to ye jauhri salaahiyat paa leiney ka shaakhsaana hai! Sad
Back to top Go down
View user profile
Sponsored content




PostSubject: Re: mujhko fakhr hai; musharraf ki tasbeeh!   

Back to top Go down
 
mujhko fakhr hai; musharraf ki tasbeeh!
View previous topic View next topic Back to top 
Page 1 of 1
 Similar topics
-
» Songs translation

Permissions in this forum:You cannot reply to topics in this forum
 :: ~suKhan daustaaN~ سخن دوستاں :: < namak paaray >-
Jump to: