Benazir SaHibah ko Khiraaj.e aqeedat...........QitAAt

Khalid Mahmood wrote:

Jawaid Badauni wrote:

Yaraan.e bazm, aadaab

bohat din bAAd Haziree laga raha hooN. kuch zaatee
maSroofiyaat meN ghira tha. yeh qitAAt maiN ne apni
ek Pakistani dost ki farmaaiish per kahe haiN. Ummid
hai pasaNd framayNge.

Wassalaam,
Jawaid Badauni


(1)

kitna muztar hai kis qadar ranjoor

aaj ik gham ki maaree qaum ka dil

vaar bus ek per huuwa tha magar

aaj zakhmee hai saree qaum ka dil
-----------------------------------------

(2)

koyee kah de yeh “Benazeer” se log

aap ke Gham meN mehv.e girya haiN

aapki koii bhee miSaal nahiN

aap ik ism.e baa musamma’ haiN
-----------------------------------------

(3)

Azm moHkum ho jiska log usey

jur’AtoN ka safeer kaihte haiN

KhoobiyoN bemiSaal hoN jismeN

sub usey benazir kkaihte haiN
---------------------------------------------

aap ne qaum ke jazbaat ki sahi terjumaani fermaii hai jawaid sb! daad qubool keeje!

Himmat afzaaii ke liye aap ka behud mamnoon hooN Khalid Saahab.

Khair andesh
Jawaid